254 Views
October / 10 / 2018

နိဒါန်း

၁။    ရခိုင်ပြည်နယ်တွင် ဖြစ်ပေါ်နေသော ပြဿနာများသည် သာမန်လူမျိုးရေး၊ ဘာသာရေး၊ မဟုတ်ဘဲ သမိုင်းဇာစ်မြစ်ကြီးမားသည့် ပထဝီနိုင်ငံဆိုင်ရာ ပြဿနာတစ်ရပ်ဖြစ်သည့်အပြင် တရားမဝင် ဝင်ရောက်မှု၊ သဘာဝသယံဇာတများ ပိုင်ဆိုင်ရေးအတွက် အပြိုင်အဆိုင်ကြိုးပမ်းမှု၊ ဆင်းရဲနွမ်းပါးမှုနှင့် တရားဥပဒေစိုးမိုးမှုတို့ ပါဝင်ပတ်သက်နေသည့် နိုင်ငံရေးနှင့် စီးပွားရေး ပြဿနာရပ်ဖြစ်ပါသည်။  ရခိုင်ပြည်နယ်အရေးကိစ္စသည် ရာစုနှစ်တစ်စုကျော် သမိုင်းနှင့်ချီပြီး ဖြစ်လာခဲ့ခြင်းဖြစ်သောကြောင့် လအနည်းငယ်အတွင်း၊ နှစ်အနည်းငယ်အတွင်းတွင် ဖြေရှင်းရန် မလွယ်ကူသည့် ကိစ္စရပ်တစ်ခုဖြစ်ပါသည်။  ရခိုင်ပြည်နယ်အတွင်း လူသားချင်းစာနာမှုအကူ အညီပေးရေး လုပ်ငန်းများကို လူမှုဝန်ထမ်း၊ ကယ်ဆယ်ရေးနှင့် ပြည်လည်နေရာချထားရေး ဝန်ကြီးဌာန၊ UNHCR ၊ WFP အဖွဲ့များအပြင် ကြက်ခြေနီအဖွဲ့များအနေဖြင့် ကြက်ခြေနီ လှုပ်ရှားမှုအသွင်ဖြင့် လူသားချင်းစာနာမှုအကူအညီ ပေးရေးဆိုင်ရာအခြေခံမူများနှင့်အညီ ကူညီ ထောက်ပံ့ဆောက်ရွက်ခြင်း၊  IDP စခန်းများပိတ်သိမ်းခြင်း၊ မြန်မာ-ဘင်္ဂလားဒေ့ရ်ှနှစ်နိုင်ငံ နယ်ခြားစောင့်တပ်ဖွဲ့များ ပူးပေါင်းဆောင်ရွက်ခြင်းတို့ကို ဆောင်ရွက်လျက်ရှိပါသည်။

ရခိုင်ပြည်နယ်၏နောက်ခံသမိုင်း အကျဉ်း

၂။    ရခိုင်လူမျိုးများ၏သမိုင်းကြောင်းသည် ဓညဝတီခေတ်၊ ဝေသာလီခေတ်၊ လေးမြို့ခေတ် နှင့်မြောက်ဦးခေတ်ဟူ၍ခေတ်လေးခေတ် ထွန်းကားခဲ့ပြီး မြောက်ဦးခေတ်တွင် အင်အားကြီးမား သော ရခိုင်မင်းများလက်ထက်၌ စစ်တကောင်းဒေသ အပါအဝင် ဘင်္ဂါလားနယ် (၁၂) နယ်အထိ သိမ်းပိုက်နိုင်ခဲ့သည့် သမိုင်းရှိခဲ့ပါသည်။

၃။    ရခိုင်ပြည်နယ်ကို ခရိုင်ပေါင်း (၄) ခု၊ မြို့နယ်ပေါင်း (၁၇) ခုနှင့် မြို့နယ်ခွဲ (၃) ခု တို့ဖြင့် ဖွဲ့စည်းထားပါသည်။ ၂၀၁၄ ခုနှစ်တွင် စာရင်းကောက်ယူရရှိသော လူဦးရေ (၃) သန်းကျော်ရှိပြီး စစ်တွေ၊မောင်တောနှင့် မြောက်ဦးခရိုင်များတွင် စာရင်းမကောက်ယူနိုင်ခဲ့သောလူဦးရေ (၁) သန်း ကျော်ရှိပါသည်။ နိုင်ငံသားစိစစ်ရေးကတ်ကိုင်ဆောင်သူ (၆၀.၃) ရာခိုင်နှုန်း၊ ဧည့်နိုင်ငံသားကတ် ကိုင်ဆောင်သူ (၀.၁) ရာခိုင်နှုန်းခန့်၊ နိုင်ငံသားပြုခွင့်ရကတ်ကိုင်ဆောင်သူ (၀.၃) ရာခိုင်နှုန်း၊ အမျိုးသားမှတ်ပုံတင်ကတ်ကိုင်ဆောင်သူ (၀.၆) ရာခိုင်နှုန်း၊ ယာယီသက်သေခံကတ်ကိုင်ဆောင် သူ (၀.၆) ရာခိုင်နှုန်း၊ နိုင်ငံခြားသားမှတ်ပုံတင်လက်မှတ်ကိုင်ဆောင်သူ  (၀.၁) ရာခိုင်နှုန်းခန့်၊ နိုင်ငံခြားသားနိုင်ငံကူးလက်မှတ်ကိုင်ဆောင်သူ (၀.၁) ရာခိုင်နှုန်း၊ သာသနာဝင်ကတ်ကိုင်ဆောင် သူ (၀.၄) ရာခိုင်နှုန်းနှင့် မည်သည့်ကတ်မှ မကိုင်ဆောင်သူ (၃၇.၇) ရာခိုင်နှုန်းရှိပါသည်။

ရခိုင်ပြည်သို့ဘင်္ဂါလီလူမျိုးများ ဝင်ရောက်လာပုံ

၎။    ၁၄ရာစုအစပိုင်း ရခိုင်ပြည်ဘုရင်မင်းစောမွန်လက်ထက် အေဒီ ၁၄၃၀ တွင် မြောက်ဦးမြို့ တည်၍ မြောက်ဦးခေတ်ကို စတင်တည်ထောင်ခဲ့ပါသည်။ ယင်းခေတ်တွင် ရခိုင်တပ်မတော်၌ အာရပ်၊ ပေါ်တူဂီလူမျိုးများ အမှုထမ်းဆောင်ခဲ့ကြပါသည်။ ၎င်းမျိုးဆက်များမှာ ယခု သံတွဲ၊ ရမ်းဗြဲကျွန်းနှင့် မြောက်ဦးမြို့ပတ်ဝန်းကျင်တွင် နေထိုင်လျက်ရှိကြကာ ယင်းတို့ကို ကမန်ဟု ခေါ်ဆိုပြီး ရခိုင်ပြည်နယ်၌ ရခိုင်တိုင်းရင်းသားမျိုးနွယ်စုအဖြစ် အသိအမှတ်ပြုထားခဲ့ကြပါသည်။ ယင်းကမန် လူမျိုးများသည် အစ္စလာမ်ဘာသာဝင်များဖြစ်၍ ရခိုင်လူမျိုးများနှင့် အေးအတူပူအမျှ ငြိမ်းချမ်းစွာ နေထိုင်လာခဲ့ကြသော လူမျိုးဖြစ်ပါသည်။

၅။    အင်္ဂလိပ်-မြန်မာ ပထမစစ်ရှုံးပြီးချိန် ၁၈၂၄ ခုနှစ် ဘကြီးတော်မင်းလက်ထက် ရခိုင်ဒေသသည် အင်္ဂလိပ်လက်အောက်သို့ကျရောက်ခဲ့ရသည်။ ထို့နောက်အင်္ဂလိပ်တို့သည် ရခိုင်ဒေသရှိ ကြီးမားကျယ်ပြန့်သော လယ်ယာလုပ်ငန်းများအား လုပ်ကိုင်ရန် အိန္ဒိယနိုင်ငံ၊ စစ်တကောင်းနယ် ဘက်မှ ဘင်္ဂါလီအမြောက်အမြားကို စတင်ခေါ်ယူတင်သွင်းကာ လုပ်ကိုင်စေခဲ့ပါသည်။ ထူးခြား သောအချက်မှာ အင်္ဂလိပ်တို့အနေဖြင့် ရခိုင်ဒေသကို ဘင်္ဂလားဒေသနှင့်ပေါင်းစပ် အုပ်ချုပ်လိုက် ခြင်းဖြစ်ပါသည်။ သမိုင်းအထောက်အထား စာရင်းဇယားအရ ၁၈၂၅ ခုနှစ်တွင် ရခိုင်ပြည်၌ ဘင်္ဂါလီဦးရေ (၃၀,၀၀၀) ရှိခဲ့ရာမှ ၁၉၃၀ ပြည့်နှစ်တွင် (၂၁၇,၈၀၀) ရှိလာခဲ့ပါသည်။ ထိုစဉ် ကတည်းက ဗြိတိသျှအစိုးရက မွတ်ဆလင်ဦးရေ တိုးပွားလာမှုကို စိုးရိမ်သောကြောင့် အခြေ အနေကိုစုံစမ်းစစ်ဆေးရန် ၁၉၃၉ ခုနှစ်တွင် စုံစမ်းစစ်ဆေးရေးကော်မရှင် တစ်ခုဖွဲ့စည်းပေးခဲ့ဖူး ပါသည်။ ကော်မရှင်က မွတ်ဆလင်ဦးရေ အတားအဆီးမရှိတိုးဝင်လာမှုကို မဟန့်တားပါက နောင်အခါတွင် လူမျိုးရေးပဋိပက္ခများဖြစ်နိုင်ကြောင်း အစီရင်ခံခဲ့သော်လည်း ဒုတိယကမ္ဘာစစ် ကြောင့် မည်သို့မျှမဆောင်ရွက်နိုင်ခဲ့ကြောင်း သိရှိရပါသည်။